عالم المراةفن الطهي

أفضل الخلطات والبهارات والتوابل لجميع انواع الأكل

أفضل الخلطات والبهارات والتوابل

تعريف أفضل خلطات البهارات والتوابل للأكل

خلطات التوابل هي توابل أو أعشاب ممزوحة,عندما يتم طلب مجموعة معينة من الأعشاب أو التوابل في العديد من الوصفات المختلفة,أو في وصفة واحدة يتم استخدامها بشكل متكرر,فمن الملائم مزج هذه المكونات مسبقًا,هذه الخلطات من التوابل يتم صنعها بسهولة للاستخدام في وقت لاحق.

في بعض الوصفات يتم استعمال مقادير البهارات بشكل متكرر, لذا فبالإمكان وضعها في برطمانات محكمة الإغلاق, وإعادة استعمال البهارات جاهزة في الوصفات حسب المقدار المناسب.

بهارات الشاورما

بهارات الشاورما
بهارات الشاورما

المقادير :

  • 1معلقة كبيرة بابريكا
  • 1معلقة كبيرة كمون مطحون
  • 1معلقة كبيرة زنجبيل بودر
  • 1معلقة كبيرة كزبرة ناشفه
  • 1معلقة كبيرة قرنفل مطحون
  • 1معلقة كبيرة فلفل أسود مطحون
  • 1معلقة صغيرة سماق
  • 1معلقة صغيرة كبابة صيني مطحونة او بهار حلو
  • 1/2نصف معلقة صغيرة قرفة مطحونة
  • 1/2نصف معلقة صغيرة حبهان أو هيل مطحون
  • 1/2نصف معلقة صغيرة كركم
طريقة التحضير :
  • تخلط كل المكونات وتطحن وتنعم كويس في مطحنة التوابل.
  • تحفظ البهارات في وعاء محكم الغلق للحفاظ على نكهتها لحين الاستعمال.
  • تضاف معلقة كبيرة من البهارات دي لتتبيلة كل كيلو من اللحم أو الدجاج.
  • للحصول على طعم رائع للشاورما تضاف رشة اضافية من هذه البهارات بعد تسوية الشاورما وقبل التقديم مباشرة.

بهارات الجراماسالا الهندية

 

بهارات الجراماسالا الهندية
بهارات الجراماسالا الهندية

المقادير :

  • 2 معلقة كبيرة كزبرة حب
  • معلقة كبيرة كمون حب
  • معلقة كبيرة فلفل اسود حب
  • معلقة صغيرة من بذور الخردل ( بذور الخردل هي التي تصنع منها المستردة وتتواجد عند أي عطار )
  • معلقة صغيرة شمر حب
  • 10 فصوص قرنفل
  • 4 ورقات لورا كبيرة ( ورق الغار )
  • 2 قرن فلفل أحمر حار مجفف ( يمكن الاستغناء عنه )
طريقة التحضير:
  • توضع كل المكونات في طاسة على نار متوسطة الى هادئة وتحرك من دقيقة لـ دقيقتين لحد ما تظهر روائحها العطرية نرفعها من على النار ونسيبها تبرد وبعدين نحطها في مطحنة التوابل ونحط معاها معلقة كبيرة كركم ومعلقة صغيرة قرفة مطحونة ومعلقة صغيرة هيل أو حبهان مطحون.
  • تطحن جميع المكونات كويس لحد ما تنعم خالص وبعدين نحفظها في برطمان محكم الغلق، ويفضل حفظ الوعاء في الثلاجة اذا كانت ستستخدم على فترات متباعدة.

خلطة توابل كنتاكي الأصلية

خلطة توابل كنتاكي الأصلية
خلطة توابل كنتاكي الأصلية

المقادير:

  • 2/3 معلقة صغيرة ملح
  • نصف معلقة صغيرة زعتر
  • نصف معلقة صغيرة ريحان
  • ثلث معلقة صغيرة اوريجانو
  • معلقة صغيرة مسحوق كرفس
  • معلقة صغيرة فلفل أسود
  • معلقة صغيرة خردل مجفف
  • 4 معلقة صغيرة بابريكا
  • 2 معلقة صغيرة ثوم بودر
  • معلقة صغيرة زنجبيل مطحون
  • 3 معلقة صغيرة فلفل أبيض
طريقة التحضير :
  • اخلطي كل المكونات مع بعض كويس واحفظيها في برطمان محكم الغلق لحين الاستعمال.

خلطة بهارات السمك والمأكولات البحرية

خلطة بهارات السمك والمأكولات البحرية
خلطة بهارات السمك والمأكولات البحرية

المقادير :

  • معلقة كبيرة ونصف ثوم بودر
  • معلقة كبيرة ونصف كمون مطحون
  • معلقة كبيرة كركم
  • معلقة كبيرة ونصف كزبرة ناشفة مطحونة
  • معلقة صغيرة بابريكا
  • نصف ملعقة صغيرة حبهان أو هيل مطحون
طريقة التحضير :
  • تطحن المكونات وتنعم كويس في مطحنة التوابل وتحفظ في برطمان محكم الغلق عشان تحافظ على نكهتها.
  • تستخدم البهارات دي في تتبيل الأسماك والمأكولات البحرية بمختلف أنواعها وأشكالها، حيث تضاف مع تتبيلة النقع قبل التسوية بالكمية المفضلة، والكمية المناسبة من البهارات تكون تقديرية وعلى حسب الذوق الشخصي.
  • يفضل اضافة رشة اضافية خفيفة من البهارات على الاسماك والمأكولات البحرية بعد التسوية وعند التقديم مباشرة للحصول على مزيد من الطعم المميز.

خلطة التوابل الايطالية

خلطة التوابل الايطالية
خلطة التوابل الايطالية

المقادير:

  • 3 معلقة كبيرة ريحان مجفف
  • 3 معلقة كبيرة بقدونس مجفف
  • معلقة كبيرة ثوم بودر
  • معلقة صغيرة بصل بودر
  • معلقة صغيرة زعتر مجفف
  • معلقة صغيرة روز ماري
  • ربع معلقة صغيرة فلفل اسود
  • ربع معلقة صغيرة فلفل أحمر مجفف
طريقة التحضير :
  • نضع كمية البقدونس والريحان والزعتر والروز ماري في طبق ونطحنهم بمدق الثوم.
  • نضيف الفلفل الاسود والثوم البودر والبصل البودر ونخلط مع بعض كويس.
  • نضع كمية التوابل في برطمان محكم الغلق ونحفظه في مكان جاف لحين الاستعمال.

بهارات البطاطس المقلية

بهارات البطاطس المقلية
بهارات البطاطس المقلية

المقادير:

  • نصف معلقة كبيرة ملح
  • نصف معلقة صغيرة كاري
  • نصف معلقة صغيرة بابريكا
  • نصف معلقة صغيرة فلفل اسود
  • ربع معلقة صغيرة ثوم بودرة
طريقة التحضير:
  • تخلط جميع المقادير وترش على البطاطس او تحفظ في برطمان لحين الإستخدام.

خلطة السبع بهارات

خلطة السبع بهارات
خلطة السبع بهارات

المقادير :

  • معلقة كبيرة كمون مطحون
  • معلقة كبيرة كزبرة ناشفة مطحونة
  • معلقة كبيرة فلفل أسود مطحون
  • معلقة كبيرة فصوص قرنفل صحيحة
  • معلقة صغيرة حبهان أو هيل مطحون
  • معلقة صغيرة قرفة مطحونة
  • معلقة صغيرة جوزة الطيب مطحونة
الطريقة :
  • تطحن جميع المكونات كويس في مطحنة التوابل لحد ما تنعم خالص.
  • تستخدم البهارات دي مع جميع الوصفات لإعطائها نكهة عربية زي الأرز وخلطة الكفتة وتتبيلة المشويات والصواني والطواجن المختلفة وغيرها من الوصفات.
  • تضاف البهارات دي بالكمية المفضلة على أي وصفة بحيث تضاف كمية قليلة ليكون طعم البهارات معتدل وتضاف كمية أكبر للحصول على طعم واضح وظاهر للبهارات.

بهارات الكبسة

بهارات الكبسة
بهارات الكبسة

المقادير:

  • معلقة كبيرة كمون مطحون
  • معلقة كبيرة كزبرة ناشقة
  • معلقة كبيرة قرفة مطحونة
  • معلقة كبيرة كركم
  • معلقة صغيرة فلفل أسود مطحون
  • نصف معلقة كبيرة لومي أسود مطحون
  • معلقة كبيرة زنجبيل
  • معلقة كبيرة هيل
  • معلقة صغيرة قرنفل
  • نصف معلقة صغيرة فلفل أحمر حار
  • معلقة صغيرة كاري
طريقة التحضير:
  • نضع كمية البهارات المذكورة في طبق صغير ولو كان فيه منها بهارات صحيحة نطحنها ونستخدم الكمية المطلوبة.
  • نضع جميع البهارات في مطحنة التوابل وتطحن وتنعم كويس.
  • نحفظ البهارات في برطمان محكم الغلق لحين الاستعمال عشان ماتفقدش نكهتها وتأثيرها.

بهارات البرياني الهندي

بهارات البرياني الهندي
بهارات البرياني الهندي

المقادير:

  • 2 معلقة صغيرة كمون مطحون
  • 2 معلقة صغيرة كركم
  • معلقة صغيرة قرفة مطحونة
  • معلقة صغيرة جوزة الطيب مطحونة
  • 2 معلقة صغيرة كزبرة ناشفة
  • معلقة صغيرة زنجبيل
  • ربع معلقة صغيرة زعفران
  • معلقة صغيرة فلفل اسود مطحون
  • معلقة كبيرة حبهان او هيل مطحون
  • معلقة صغيرة شمر مطحون
  • 3 ورق غار
  • معلقة كبيرة قرنفل
  • معلقة صغيرة يانسون
  • معلقة صغيرة فلفل أحمر حار
  • نصف معلقة صغيرة فلفل أبيض
طريقة التحضير:
  • نحضر جميع البهارات في طبق ونطحن منها البهارات الحب.
  • بعد طحن البهارات الحب نضع جميع التوابل في مطحنة التوابل ونطحنها لحد ما تنعم كويس.
  • تحفظ في وعاء برطمان محكم الغلق لحين الاستعمال عشان ماتفقدش نكهتها وتأثيرها لتعطي المذاق المميز لطبق البرياني.

البهارات المشكلة السورية

البهارات المشكلة السورية
البهارات المشكلة السورية

المقادير:

  • معلقة كبيرة كبيرة كبابة صيني ( بهار حلو )
  • معلقة صغيرة فلفل اسود
  • معلقة صغيرة كزبرة ناشفة
  • نصف معلقة صغيرة جوزة الطيب مطحونة
  • نصف معلقة صغيرة قرنفل
  • نصف معلقة صغيرة هيل مطحون
  • نصف معلقة صغيرة قرفة مطحونة
  • معلقة صغيرة كمون
طريقة التحضير:
  • نطحن البهارات الصحيحة ونستخدم الكمية المطلوبة منها.
  • نضع البهارات المطحونة ( البهار والفلفل والكزبرة وجوزة الطيب والقرنفل والهيل والقرفة ) في مطحنة التوابل ونطحنها لحد ما تنعم كويس.
  • نضع البهارات المشكلة في برطمان محكم الغلق عشان تحتفظ بريحتها ونكهتها الرائعة اللي بتضيفها على الأطباق.

خلطة بهارات المندي

خلطة بهارات المندي
خلطة بهارات المندي

المقادير:

  • 12 فص قرنفل ( مسمار )
  • نصف معلقة صغيرة حبهان أو هيل مطحون
  • نصف معلقة صغيرة كركم
  • نصف معلقة صغيرة قرفة مطحونة
  • 2 ملعقة كبيرة بابريكا
  • ملعقة صغيرة كمون
  • 2 ملعقة صغيرة زعتر ناشف
  • 2 ملعقة صغيرة زتجبيل أو ( جنزبيل ) مطحون
  • ملعقة صغيرة فلفل أسود
طريقة التحضير:
  • تطحن كل المكونات في مطحنة التوابل لحد ما تنعم خالص.
  • تحفظ البهارات الناتجة في وعاء محكم الغلق أو في كيس مفرغ الهواء للاحتفاظ بنكهتها لحين الاستخدام .
  • تستخدم معلقة كبيرة من البهارات دي لكل كيلو من الدجاج أو اللحمة.

بهارات التندوري

بهارات التندوري
بهارات التندوري

المقادير:

  • 2 معلقة كبيرة كزبرة ناشفة
  • 2 معلقة كبيرة بابريكا
  • معلقة صغيرة فلفل اسود
  • معلقة صغيرة فصوص قرنفل
  • معلقة صغيرة كمون مطحون
  • نصف معلقة صغيرة حبهان او هيل مطحون
  • نصف معلقة صغيرة حلبة حب
  • نصف معلقة صغيرة ثوم بودرة
  • نصف معلقة صغيرة كركم
  • نصف معلقة صغيرة جوزة طيب مطحونة
  • نصف معلقة صغيرة زنجبيل مطحون
  • نص معلقة صغيرة قرفة
طريقة التحضير:
  • توضع كل المكونات في طاسة على نار متوسطة الى هادئة وتحرك من دقيقة لـ دقيقتين لحد ما تظهر روائحها العطرية نرفعها من على النار ونسيبها تبرد وبعدين نحطها في مطحنة التوابل ونطحنها كويس لحد ما تنعم خالص وبعدين نحفظها في برطمان محكم الغلق لحين الاستعمال.
  • نضيف معلقة كبيرة ونصف من البهارات دي لكل كيلو دجاج.

بهارات الحواوشي

بهارات الحواوشي
بهارات الحواوشي

المقادير :

  • نصف معلقة صغيرة بابريكا
  • نصف معلقة صغيرة كبابة صيني مطحونة ( بهار حلو )
  • ربع معلقة صغيرة حبهان أو هيل مطحون
  • نصف معلقة صغيرة كمون
  • ربع معلقة صغيرة قرفة
  • ربع معلقة صغيرة فلفل اسود
  • ربع معلقة صغير قرنفل مطحون
  • معلقة صغيرة كزبرة ناشفة
طريقة التحضير :
  • نضع كل المكونات في مطحنة التوابل وتطحن لحد ما تنعم كويس.
  • تستخدم كل كمية البهارات الناتجة مع نصف كيلو لحمة مفرومة أو فراخ مفرومة للحصول على نكهة قوية للبهارات، وللحصول على نكهة متوسطة تضاف هذه الكمية من البهارات لكل كيلو لحمة مفرومة أو فراخ مفرومة.
  •  قد لا يفضل البعض الطعم القوي للبهارات في الحواوشي حتى لا تغطي البهارات على طعم المكونات الأخرى، ففي هذه الحالة تضاف معلقة صغيرة من البهارات دي لكل نصف كيلو من اللحمة المفرومة أو الفراخ المفرومة حيث ستكون البهارات مجرد لمسة بسيطة تقوي من طعم الحواوشي دون ان يكون طعم البهارات ظاهر بشكل واضح.
  • في حالة عدم الاستخدام المباشر للبهارات بعد طحنها تحفظ في برطمان محكم الغلق لحين الاستخدام عشان ماتفقدش تأثيرها.

بهارات الكاري

بهارات الكاري
بهارات الكاري

المقادير :

  • 2 معلقة كبيرة كزبرة ناشفة مطحونة
  • 2 معلقة كبيرة كمون مطحون
  • معلقة كبيرة ونصف كركم
  • نصف معلقة كبيرة شمر مطحون
  • 2 معلقة صغيرة زنجبيل مطحون
  • معلقة صغيرة خردل مطحون ( عبارة عن حبوب صغيرة تباع عند العطار )
  • نصف معلقة صغيرة قرفة مطحونة
  • نصف معلقة صغيرة فلفل أسود مطحون
  • نصف معلقة صغيرة حبهان او هيل مطحون
  • نصف معلقة صغيرة فلفل حار مطحون ( حسب الرغبة )
طريقة التحضير :
  • نضع كل المكونات مع بعضها في مطحنة البهارات ونطحنها لحد ما تنعم كويس.
  • نضع البهارات في برطمان محكم الغلق ونستخدمها عند الحاجة، وفي حالة الرغبة في تخزينها لمدة تزيد عن شهرين يفضل وضع البرطمان في كيس ثلاجة وحفظه في الثلاجة.

توابل الرانش

توابل الرانش
توابل الرانش

المقادير:

  • معلقة كبيرة بقدونس مجفف
  • معلقة كبيرة ثوم بودر
  • معلقة كبيرة بصل بودر
  • معلقة صغيرة ملح
  • نصف كوب حليب بودرة
  • نصف معلقة صغيرة فلفل اسود
طريقة التحضير :
  • حطي التوابل في طبق متوسط الحجم واخلطيهم كويس مع بعض وبعدين احفظيها في برطمان محكم الغلق لحين الاستعمال.
  • استخدمي توابل الرانش في تتبيلة المشويات وتحضير السلطات.
  • ضيفي التوابل إلى الزبادي واخفقي كويس وقدميه كصلصة غموس أو اخفقي التوابل مع اللبن الرائب لتحضير دريسينج الرانش للسلطا.

بهارات تشيلي ميكس

بهارات تشيلي ميكس
بهارات تشيلي ميكس

المقادير :

  • ربع كوب فلفل أحمر حلو
  • معلقة كبيرة ثوم بودر
  • معلقة كبيرة فلفل حار
  • معلقة كبيرة بصل بودر
  • معلقة كبيرة رقائق الفلفل الأحمر
  • 2 معلقة صغيرة كمون مطحون
طريقة التحضير :
  • نضع جميع المكونات في وعاء ونخلطهم كويس ولو حبينا كمية الفلفل الحار اكثر ممكن نضاعف الكمية
  • نضع كمية البهارات في وعاء محكم الاغلاق ونحفظه في مكان جاف لحين الاستعمال.
  • تشيلي ميكس من اهم انواع البهارات المستخدمة في المطبخ المكسيكي وتستخدم بكثرة باطباق الدجاج.

خلطة التوابل التركية

خلطة التوابل التركية
خلطة التوابل التركية

المكونات:

  • 4 معلقة كبيرة بابريكا
  • 2 معلقة كبيرة ثوم بودر
  • 2 معلقة كبيرة كزبرة مجففة
  • معلقة كبيرة ملح
  • معلقة كبيرة نعناع مجفف
  • معلقة كبيرة سكر
  • معلقة كبيرة كركم
  • معلقة كبيرة بصل بودر
  • نصف معلقة كبيرة كمون مطحون
  • 2 معلقة صغيرة فلفل أسود
  • معلقة صغيرة بابريكا مدخنة
  • معلقة صغيرة قرفة مطحونة
الطريقة:
  • تخلط جميع التوابل في برطمان محكم الإغلاق وتحفظ لحين الاستعمال.

بهارات الكيجن

بهارات الكيجن
بهارات الكيجن

المكونات:

  • معلقة صغيرة كمون
  • معلقة صغيرة كزبرة ناشفة
  • معلقة صغيرة بابريكا
  • معلقة صغيرة فلفل احمر حار بودرة
  • معلقة كبيرة زعتر ناشف
  • معلقة صغيرة ثوم بودر
  • معلقة صغيرة بصل بودر
  • 2 معلقة صغيرة ملح
طريقة التحضير :
  • نخلط جميع المكونات كويس ونحطها في برطبان محكم الغلق لحين الاستخدام.
  • الكنديون هم اول من قاموا باعداد بهارات الكيجن، وهي بهارات رائعة تستخدم لنقع الدجاج واللحوم وفي عملية الشواء في الفرن وعلى الفحم
  • وتتميز بطعمها الرائع وتعطي لون مميز عند تحمير الدجاج اللحوم.

البهارات الصينية الخمسة

البهارات الصينية الخمسة
البهارات الصينية الخمسة

المقادير:

  • معلقة كبيرة القرنفل حب
  • معلقة كبيرة بذور الشمر
  • معلقة كبيرة قرفة مطحونة
  • معلقة كبيرة يانسون حب
  • معلقة كبيرة فلفل اسود حب
طريقة التحضير :
  • نضع كمية الفلفل الاسود في مقلاة ونضيف اليه اليانسون والشمر والقرنفل ونخليهم على نار هادئه لحد ما تظهر الريحة نرفعهم عن النار ونسيب التوابل تبرد خالص وبعدين نطحنها بمطحنة التوابل ونضيف عليهم القرفة المطحونة ونخلطهم كويس.
  • نضع كمية البهارات في برطمان محكم الاغلاق ونحتفظ بيه لحين الاستعمال.

بهارات الشوربة

بهارات الشوربة
بهارات الشوربة

المقادير:

  • 2 فصوص حبهان او هيل
  • 2 فص قرنفل
  • نصف معلقة صغيرة كزبرة ناشفة حب
  • ربع معلقة صغيرة فلفل اسود حب
  • 2 ورق لورا
طريقة التحضير:
  • نحط المكونات في طاسة على نار متوسطة لهادئة لحد ما التوابل تتحمص ريحتها تظهر وبعدين نرفعها عن النار ونستخدمها في سلق اللحمة او الفراخ وهي صحيحة بدون طحن.

بهارات السجق

بهارات السجق
بهارات السجق

المقادير :

  • ربع معلقة صغيرة قرفة مطحونة
  • ربع معلقة صغيرة قرنفل مطحون
  • ربع معلقة صغيرة حبهان أو هيل مطحون
  • نصف معلقة صغيرة كمون مطحون
  • نصف معلقة صغيرة بابريكا
  • معلقة صغيرة كزبرة ناشفة
طريقة التحضير :
  • تنعم كل البهارات في مطحنة التوابل لحد ما تنعم تماماً.
  • تستخدم كمية البهارات السابقة على ربع كيلو من اللحمة المفرومة التي تستخدم مع حشو السجق للحصول على طعم قوي للبهارات في السجق، وفي حالة الرغبة في الحصول على طعم أقل قوة تستخدم نفس الكمية و لكن مع نصف كيلو لحمة مفرومة.
  • تستخدم البهارات بشكل مباشر بعد طحنها واذا كانت لن تستخدم بشكل مباشر تحفظ في برطمان محكم الغلق عشان ماتفقدش نكهتها وتأثيرها.

خلطة بهارات المكرونة

خلطة بهارات المكرونة
خلطة بهارات المكرونة

المقادير:

  • معلقة كبيرة زعتر ناشف
  • معلقة كبيرة جنزبيل بودر
  • معلقة كبيرة ريحان ناشف
  • نصف معلقة صغيرة كركم
  • معلقة صغيرة بابريكا
  • نصف معلقة صغيرة فلفل اسود
طريقة التحضير:
  • نضع كل المكونات في مطحنة التوابل وتطحن كويس لحد ما تنعم تماماً.
  • تحفظ البهارات في برطمان محكم الغلق لحين الاستعمال عشان ماتفقدش نكهتها.
  • تستخدم معلقة صغيرة من البهارات أو أقل على حسب الذوق وقوة الطعم المطلوب على صوص الطماطم أو أي صوص مجهز لعمل نصف كيلو مكرونة.

بهارات اللحمة

بهارات اللحمة
بهارات اللحمة

المقادير :

  • معلقة كبيرة كمون مطحون
  • نصف معلقة صغيرة سماق ( موجود عند أي عطار )
  • نصف معلقة صغيرة حبهان أو هيل مطحون
  • نصف معلقة صغيرة قرفة مطحونة
  • نصف معلقة صغيرة قرنفل مطحون
  • معلقة صغيرة كاري
  • معلقة صغيرة كركم
  • نصف معلقة صغيرة كبابة صيني مطحونة (البهار الحلو)
  • معلقة كبيرة كزبرة ناشفة مطحونة
  • معلقة كبيرة ونصف زنجبيل بودر
الطريقة :
  • تطحن جميع المكونات في مطحنة التوابل لحد ما تنعم تماماً.
  • تحفظ البهارات في برطمان محكم الغلق لحين الاستعمال عشان ماتفقدش مذاقها وتأثيرها.
  • تضاف معلقة كبيرة من البهارات دي لكل كيلو لحمة في أي وصفة من وصفات اللحوم.
  • للحصول على طعم مميز تضاف رشة اضافية من البهارات على الوصفة اياً كان نوعها عند التقديم مباشرة.

خلطة الزعتر اللبنانية

خلطة الزعتر اللبنانية
خلطة الزعتر اللبنانية

المقادير:

  • معلقة كبيرة زعتر مجفف مطحون
  • معلقة كبيرة كمون مطحون
  • معلقة كبيرة كزبرة ناشفة
  • معلقة كبيرة سمسم محمص
  • معلقة طعام سماق
  • نصف معلقة صغيرة ملح
  • معلقة صغيرة أو أكثر من رقائق الفلفل الحار (اختياري)
طريقة التحضير:
  • استخدمي حبوب كاملة من الكمون والكزبرة وحمصيها في طاسة تيفال على نار متوسطة لهادئة لحد ما تظهر ريحتها وبعدين ارفعيها عن النار وخليها تبرد خالص وبعدين اطحنيها في مطحنة التوابل لحد ما تنعم وبعدين اخلطيهم مع جميع المكونات في طبق صغير وخزنيها في برطمان محكم الغلق لحين الاستعمال.
  • ملحوظة: خلطة الزعتر مفيدة جداً خاصة للأطفال ومرضى الربو وتخلط مع الزيت زيتون وتآكل مع الخبز او ساندويشات او مع أي شيء تحبوه وكل منطقة وليها طريقتها في تحضير خلطة الزعتر.

بهارات الكفتة

بهارات الكفتة
بهارات الكفتة

المقادير :

  • معلقة كبيرة فلفل اسود حب
  • معلقة كبيرة زعتر ناشف
  • معلقة كبيرة كبابة صيني حب (البهار الحلو)
  • معلقة كبيرة زنجبيل مطحون
  • معلقة كبيرة بقدونس ناشف ( موجود عند أي عطار )
  • 2 معلقة كبيرة كزبرة ناشفة مطحونة
الطريقة :
  • تضاف كل المقادير في مطحنة التوابل وتنعم كويس.
  • تحفظ البهارات بعد طحنها في برطمان محكم الغلق للاحتفاظ بنكهتها لحين الاستعمال.
  • تضاف معلقة كبيرة من البهارات دي لكل كيلو من اللحمة المفرومة ويمكن تقليل الكمية أو زيادتها حسب الرغبة في قوة طعم البهارات في الكفته.

بهارات الفاهيتا

بهارات الفاهيتا
بهارات الفاهيتا

المقادير:

  • 3 معلقة كبيرة نشا
  • ملعقة كبيرة سكر
  • مكعب مرق ماجي
  • 2 معلقة شطة بودر
  • معلقة كبيرة ملح
  • معلقة كبيرة بابريكا
  • معلقة صغيرة ونصف بصل بودر
  • نصف معلقة صغيرة ثوم بودر
  • نصف معلقة صغيرة كمون
  • نصف معلقة صغيرة فلفل اسود
  • نصف معلقة صغيرة قرفة
  • نصف ملعقة صغيرة قرنفل
طريقة التحضير:
  • نخلط كل المكونات مع بعضها وبعدين نضيف مكعب الماجي ونخلطه معاهم كويس جداً وبعدين نحفظه فى برطمان محكم الغلق لحين الاستعمال.

بهارات البرجر

بهارات البرجر
بهارات البرجر

المقادير :

  • 2 ملعقة كبيرة كبابة صيني حب (البهار الحلو)
  • معلقة كبيرة بابريكا
  • معلقة كبيرة ثوم بودر
  • 2 معلقة كبيرة بقدونس مجفف ( يوجد عند أي عطار )
  • 3 معلقة كبيرة كزبرة ناشفة مطحونة
  • معلقة كبيرة زعتر ناشف
  • معلقة كبيرة زنجبيل مطحون
  • نصف معلقة كبيرة فلفل أسود
الطريقة :
  • نضع كل المكونات في مطحنة التوابل ونطحنها لحد ما تنعم كويس .
  • تحفظ البهارات في برطمان محكم الغلق للحفاظ على نكهتها.
  • تضاف معلقة كبيرة من البهارات دي لكل كيلو لحمة مفرومة، أو معلقة كبيرة لكل كيلو فراخ مفرومة في حالة عمل برجر الفراخ .

الدقة المصرية

الدقة المصرية
الدقة المصرية

المقادير :

  • نصف كوب سمسم
  • نصف كوب حمص التسالي
  • نصف كوب سوداني
  • نصف كوب كزبرة ناشفة
  • نصف كوب كمون
  • 2 معلقة كبيرة ملح
  • شطة حسب الرغبة
طريقة التحضير:
  • نحمص السمسم في طاسة على النار وبعدين نحمص الكزبرة وبعدين الكمون وناخد منهم الكمية المطلوبة وأهم حاجه نسيبهم يبردوا بعد ما نحمصهم.
  • نفرم السوداني في الكبة ويخلط مع الكمون والسمسم والكزبرة والحمص بعد فرمهم
  • نضيف الملح والشطة ونخلطهم كويس.
  • الدقة بتستخدم مع وصفات كتير زي البطاطس المحمرة والبازنجان والفلافل والبيض المسلوق والسميط والمسقعة والشاورما.

توابل راس الحانوت المغربية

 

توابل راس الحانوت المغربية
توابل راس الحانوت المغربية

وهي من التوابل المشهورة في المغرب وتستعمل بكثرة في الوصفات المغربية مثل الطاجن والكسكسي

المقادير :

  • 1 معلقة كبيرة زنجبيل مطحون
  • 1 معلقة كبيرة كزبرة مطحونة
  • 2 معلقة صغيرة مسحوق الفلفل الحار
  • 2 معلقة صغيرة فلفل أحمر
  • 2 معلقة صغيرة كمون مطحون
  • 2 معلقة صغيرة قرفة مطحونة
  • 2 معلقة صغيرة فلفل اسود مطحون
  • 2 معلقة صغيرة كركم مطحون
  • 1 ½ معلقة صغيرة صولجان مطحون
  • 1 ½ معلقة صغيرة جوزة الطيب مطحونة
  • 1 ½ معلقة صغيرة حبهان او هيل مطحون
  • ¾ معلقة صغيرة بذور الشمر
  • ¾ معلقة صغيرة بذور اليانسون
  • ½ معلقة صغيرة حلبة
  • ½ معلقة صغيرة قرنفل
  • ½ معلقة صغيرة فلفل حريف
  • 2 اوراق غار
طريقة التحضير :
  • نطحن القرنفل واليانسون والشمر وورق الغار بعد تحميصه وتبريده.
  • نضيف كل المكونات المطحونة ونخلطهم كويس لحد ما يمتزجوا وبعدين ننخلهم بمنخل ناعم
  • نضع التوابل المغربية في وعاء محكم الاغلاق ونخزنه بمكان جاف لحين الاستعمال.

بهارات البزار الاماراتي

بهارات البزار الاماراتي
بهارات البزار الاماراتي

المقادير:

  • ربع كوب كركم
  • ربع كوب فلفل اسود
  • معلقة صغيرة كمون حب
  • معلقة صغيرة كزبرة حب
  • معلقة صغيرة زنجبيل
  • معلقة صغيرة هيل حب
  • معلقة صغيرة بابريكا
  • معلقة صغيرة قرنفل حب
  • 2 عود قرفة
طريقة التحضير :
  • نضع جميع الحبوب في طاسة تيفال على نار هادية لحد ما تظهر ريحتهم نرفعها عن النار ونسيبها تبرد خالص وبعدين نطحنهم كويس في مطحنة التوابل.
  • نضع كمية التوابل في برطمان محكم الاغلاق ونحفظه في مكان جاف لحين الاستعمال.

بهارات المحشي

بهارات المحشي
بهارات المحشي

المقادير:

  • معلقة صغيرة كمون
  • معلقة كبيرة بقدونس ناشف
  • معلقة كبيرة كزبرة ناشفة
  • معلقة كبيرة جنزبيل بودر
  • معلقة كبيرة زعتر ناشف
  • نصف معلقة صغيرة نعناع ناشف
طريقة التحضير:
  • نطحن كل المكونات دي مع بعض في مطحنة البهارات
  • مع كل كوب ارز هنعمله خلطة للمحشي هنضيف معلقة كبيرة من البهارات دي وممكن اكتر او اقل على حسب ما تحبوا طعم البهارات يكون واضح او خفيف.

خلطة البهارات السعودية

خلطة البهارات السعودية
خلطة البهارات السعودية

مقادير الخلطة:

  • 3 معلقة كبيرة فلفل اسود
  • معلقة كبيرة قرنفل حب
  • معلقة كبيرة هيل حب
  • معلقة كبيرة كزبرة حب
  • معلقة كبيرة كمون حب
  • معلقة كبيرة كاري
  • معلقة صغيرة جوزة الطيب البودرة
  • 2 عود قرفة
طريقة التحضير :
  • نضع كمية الفلفل الاسود الحب في طاسة تيفال ونضيف عليها القرنفل والهيل والكزبرة والقرفة والكمون ونتركهم على نار هادئة مع التقليب المستمر لحد ما تظهر ريحة البهارات نرفعها عن النار ونسيبها تبرد خالص.
  • نطحن البهارات في مطحنة التوابل لحد ما تنعم وبعدين نضيف عليهم الكاري وجوزة الطيب ونخلطهم كويس
  • نضع البهارات في برطمان محكم الغلق ونحتفظ بيه في مكان جاف لحين الاستعمال.

التوابل اليونانية

التوابل اليونانية
التوابل اليونانية

المقادير:

  • معلقة ونصف كبيرة من الأوريجانو المجفف
  • معلقة ونصف صغيرة ملح
  • معلقة كبيرة بصل بودرة
  • معلقة ونصف كبيرة ثوم بودر
  • معلقة صغيرة فلفل اسود
  • مكعب مرق لحم
  • معلقة صغيرة بقدونس مجفف
  • معلقة صغيرة زعتر مجفف
  • معلقة ونصف كبيرة بابريكا
  • معلقة صغيرة قرفة
  • معلقة صغيرة جوزة الطيب
طريقة التحضير :
  • في مطحنة التوابل أو مطحنة القهوة حطي كل
  • البهارات واطحنيها لحد ما تنعم.
  • احفظي التوابل في برطمان محكم الغلق لحين
الاستعمال :
  • تستخدم التوابل دي في العديد من وصفات المطبخ اليونانى مثل ساندويتش اللحم علي الطريقة اليونانية و برجر اللحم اليونانى .

توابل تاكو المكسيكية

توابل تاكو المكسيكية
توابل تاكو المكسيكية

المقادير :

  • ربع معلقة صغيرة بابريكا
  • ربع معلقة صغيرة زعتر مجفف
  • معلقة صغيرة كمون مطحون
  • نصف معلقة صغيرة ملح
  • معلقة صغيرة ونصف فلفل حار
  • ربع معلقة صغيرة ثوم بودر
  • ربع معلقة صغيرة بصل بودر
  • ربع معلقة صغيرة رقائق الفلفل الأحمر
  • نصف معلقة صغيرة فلفل اسود
طريقة التحضير:
  • نخلط جميع التوابل كويس ونحطها في برطمان محكم الغلق ونحفظه في مكان جاف لحين الاستعمال.

 

اترك تعليقاً

زر الذهاب إلى الأعلى
إغلاق